Երևանի քաղաքապետի մամուլի խոսնակ Հակոբ Կարապետյանը Ֆեյսբուքի իր էջում գրել է.
«ԱԺ Բարգավաճ Հայաստան կուսակցության լիդեր Գագիկ Ծառուկյանը Ազգային Ժողովում թղթեր է ցույց տալիս՝ փորձելով ապացուցել, թե ապօրինի շինարարություն չի արել։ Պարոն Ծառուկյանը սրանով բացահայտում է, որ նախագծային առաջադրանքի ու շինթույլտվության միջեւ տարբերությունը չգիտի։
Լրագրող գործընկերներիս հրավիրում եմ ժամը 12.30-ին քաղաքապետարան, որտեղ կբացատրենք եղելությունը եւ կներկայացնենք համապատասխան փաստաթղթեր։
Հրավերս ուղղում եմ հատկապես հեռուստաընկերությունների գործընկերներին, տպագիր մեդիայի համար կտարածենք տեքստ եւ լուսանկարներ»: