Դեկտեմբերի 26-ին, ժամը 12:08-ին «911» ծառայություն ահազանգ է ստացվել, որ Արարատի մարզի Արտաշատյան ջրանցքում նկատվել է տղամարդու դի:
Դեպքի վայր են մեկնել ԱԻՆ ՓԾ մարզային փրկարարական վարչության օպերատիվ խումբը և հրշեջ-փրկարարական ջոկատից մեկ մարտական հաշվարկ:
Պարզվել է, որ դին գտնվում է Նոր Կյուրին գյուղի ամառանոցների սկզբնամասում գտնվող Արտաշատյան ջրանցքում (մոտ 2 մ խորություն):
Փրկարարները դուրս են բերել Ալեքսան Ջ.-ի (ծնված 1963 թ.) դին, տեղեկացնում է ԱԻՆ-ը:
