Ռուսաստանի գլխավոր դատախազությունը հրաժարվել է հաստատել նախաքննության մեղադրական եզրակացությունը Խաչատուրյան քույրերի քրեական գործով: Այս մասին գրում է «Կոմերսանտ»-ը ՝ վկայակոչելով իր անանուն աղբյուրները:
Ըստ Ազատություն ռադիոկայանի՝ Գլխավոր դատախազությունը եզրակացությունը վերադարձրել է քննությանը՝ լուրջ խախտումների պատճառով, գրել է թերթը:
Երեք քույրերը, հիշեցնենք, մեղադրվում են իրենց հոր սպանության մեջ: Երկու ավագ քույրերին սպառնում է 8-ից մինչև 20 տարվա ազատազրկում, կրտսերին՝ հարկադիր բուժում հոգեբուժարանում:
18, 19 և 20 տարեկան Քրիստինա, Անգելինա և Մարիա Խաչատուրյանների պաշտպանները պահանջում են մեղմացնել մեղադրանքը:
Փաստաբանները պնդում են, որ սպանությունը տեղի է ունեցել ինքնապաշտպանության շրջանակներում՝ երկարամյա տանջանքների, ծեծի, սեռական բռնության ֆոնին:
Մանրամասները՝ այստեղ