Ոստիկանությունը զգուշացնում է՝ կան փակ և դժվարանցանելի ճանապարհներ

Հեղինակ MediaLab

Ոստիկանության հաղորդագրությունը ներկայացնում եք ստորև․

«Հարգելի՛ վարորդներ, զգուշացնում ենք, որ առատ ձյան և անբավարար տեսանելիության պատճառով փակ է Վարդենյաց լեռնանցքը (Սելիմ), իսկ Սոթք-Քարվաճառ ճանապարհահատվածը դժվարանցանելի է բոլոր տեսակի տրանսպորտային միջոցների համար: 

Գեղարքունիքի և Շիրակի մարզերում ուժեղ քամու պատճառով առկա է բուք, ուստի, անվտանգության նկատառումներից ելնելով, վարորդներին խորհուրդ է տրվում նշված հատվածով երթևեկել խիստ անհրաժեշտության դեպքում և բացառապես ձմեռային անվադողերով»: