Դեկտեմբերի կեսերին «Ժառանգությունը» նախատեսում է զանգվածային ակցիա կազմակերպել ընդդեմ մեքենանրի պարտադիր ապահովագրության: Այդ մասին հայտարարել է խմբակցության անդամ Անահիտ Բախշյանը` «Խորհրդարանական շաբաթ» հաղորդման ժամանակ:
Նա տեղեկացրել է, որ մեքենաների պարտադիր ապահովագրության օրենքի հետ կապված բազմաթիվ քաղաքացիներ են դիմել են իրենց` դժգոհություն հայտնելով ճգնաժամի եւ սարսափելի գնաճի պայմաններում իրենց ընտանեկան բյուջեի վրա չնախատեսված հավելյալ բեռ դնելու առիթով:
«Շարունակելով աշխատել այս խնդրի լուծման ուղղությամբ` հայտնում ենք, որ «Ժառանգությունը» ներկայացրել է օրինագիծ, որով առաջարկում է չեղյալ համարել ընդունված օրենքը,-հայտարարել է Անահիտ Բախշյանը:- Այս գործընթացի հետ կապված «Ժառանգության» կողմից դեկտեմբերի կեսերին կկազմակերպվի բողոքի զանգվածային միջոցառում` երթ կամ հանրահավաք, որի մանրամասների մասին ձեզ լրացուցիչ կտեղեկացնենք»:
© Medialab.am
