Երեւանի նոր քաղաքապետի անունը պարզ կլինի հաշված օրեր անց: Այսօր գումարված Երևան քաղաքի ավագանու արտահերթ նիստի ժամանակ, որը վարում էր Երևանի քաղաքապետի ժամանակավոր պաշտոնակատար Տարոն Մարգարյանը, հստակեցեվել են Երեւանի քաղաքապետի ընտրության ժամկետը` դեկտեմբերի 17 :
Հիշեցնենք, որ քաղաքապետի պաշտոնը թափուր էր մնացել նախկին քաղաքապետ Գագիկ Բեգլարյանի անվան շուրջ պտտվող աղմակահարույց պատմությանն հետեւած հրաժարականից հետո:
Համաձայն «Երեւան քաղաքում տեղական ինքնակառավարման մասին» օրենքի, Քաղաքապետի պաշտոնը թափուր մնալուց հետո ավագանու սահմանած ժամկետում, սակայն ոչ ուշ, քան մեկամսյա ժամկետում, անցկացվում են քաղաքապետի արտահերթ ընտրություններ` քաղաքապետի ընտրությունների համար սահմանված կարգով:
Ըստ նույն օրենքի, արտահերթ ընտրությունների ժամանակ քաղաքապետի թեկնածուներ առաջադրելու իրավունքը պատկանում է ավագանու խմբակցություններին:
Երեւանի ավագանին ներկայում բաղկացած է երկու խմբակցություններից. իշխող Հանրապետական եւ «Բարգավաճ Հայաստան» կուսակցությունների խմբակցությունները:
Հանրապետականն ավագանում ունի 35 ավագանու անդամ, «Բարգավաճ Հայաստանը»`17: Այսինքն, մանդատների ներկայիս դասավորության պարագայում Հանրապետական խմբակցությունը հանգիստ կարող է քաղաքապետ ընտրել իր նախընտրած թեկնածուին:
© Medialab.am
