Հունվարի 24-ին կայացած ընտրություններով, ԵԽԽՎ նախագահի պաշտոնում վերընտրվել է ազգությամբ թուրք Մեւլութ Չավուշօղլուն: Վերընտրվելուց հետո, կայացած ասուլիսում Չավուշօղլուն հայտարարել է, թե իրենց նպատակն է ԵԽԽՎ ԼՂ հարցով ենթահանձնաժողովի գործունեությունը:
«Ինչպես գիտեք, 2005–ին ԵԽԽՎ–ն ընդունել էր հակամարտության վերաբերյալ թիվ 1416 բանաձեւը։ Եւ մեր նպատակը ենթահանձնաժողովի շրջանակներում այդ բանաձևի իրականացումն է։ ԵԽԽՎ–ի բյուրոն այդ հարցի վերաբերյալ հստակորեն արտահայտել է իր կարծիքը»,– ասել է Չավուշօղլուն։
ԵԽԽՎ նախագահը հիշեցրել է, որ նախկինում այդ ենթահանձնաժողովը եւս գործել է, սակայն դադարեցրել է իր աշխատանքերը հանձնաժողովի նախագահի մահվանից հետո:
ԵԽԽՎ վերընտրված նախագահը նաեւ ասել է, որ ենթահանձնաժողովի գործունեության հետ կապված հարցը կքննարկվի ուրբաթ օրը գումարվելիք Բյուրոյի լիագումար նիստում, որտեղ պետք է որոշում ընդունվի ենթահանձնաժողովի գործունեության վերականգնման մասին եւ նրա համար նախագահ ընտրվի։
© Medialab.am