Վարդան Օսկանյան. Կոալիցիոն հայտարարությունը` «իշխանության արհամարհանքը ժողովրդավարության, ընտրությունների ինստիտուտի և հասարակության կամքի հանդեպ»

Վարդան Օսկանյան. Կոալիցիոն հայտարարությունը`  «իշխանության արհամարհանքը ժողովրդավարության, ընտրությունների ինստիտուտի և հասարակության կամքի հանդեպ»
Վարդան Օսկանյան. Կոալիցիոն հայտարարությունը` «իշխանության արհամարհանքը ժողովրդավարության, ընտրությունների ինստիտուտի և հասարակության կամքի հանդեպ»
Հեղինակ MediaLab

1998-2008 թթ. Հայաստանի արտգործնախարար, «Սիվիլիթաս» հիմնադրամի նախագահ  Վարդան Օսկանյանն անրադարձել է երեկ իշխող կոալիցիայի կողմից ստորագրված նոր հայտարարությանը` որակելով այն որպես «իշխանության արհամարհանքը ժողովրդավարության, ընտրությունների ինստիտուտի և հասարակության կամքի հանդեպ»:

Հիմնադրամի կայքէջում Վարդան Օսկանյանը մեկնաբանություն է հրապարակել, ուր անդրադարձ կատարելով ներքաղաքական վերջին զարգացումներին, նշել է, որ կոալիցիոն  ուժերը գալիք խորհրդարանական ընտրություններում չեն պատրաստվում իրականացնել քաղաքական ուժերի հիմնական առաքելությունը` քաղաքական ազատ մրցակցության մեջ մտնել միմյանց հետ:

«Ավելին` բացարձակ մեծամասնություն ունեցող կոալիցիան նաև հայտարարում է, որ նպատակ ունի առանց այդ էլ խորհրդարանում չնչին ներկայություն ունեցող ընդդիմությանը լիովին դուրս մղել խորհրդարանից»,-ասել  է Վարդան Օսկանյանը:

«Սա ոչ միայն չի նպաստի երկրում ստեղծված բարդ սոցիալական, տնտեսական և քաղաքական իրավիճակի բարելավմանը, այլև ավելի կբարդացնի այն: Իրավիճակից դուրս գալու ճանապարհը ոչ թե այդ իրավիճակի բարելավման հիմնական խոչընդոտը հանդիսացող իշխանությունների վերարտադության երաշխավորումը պետք է լիներ, այլ իշխանության ներսում հակակշռի ապահովումը` միահեծան իշխանությանը այլընտրանքի հնարավորության հեռանկարը»,-նշել է Օսկանյանը` ավելացնելով, որ ստեղծված իրավիճակը էլ ավելի կխորացնի հասարակության հուսահատությունը` հնարավոր բոլոր բացասական հետևանքներով:

© Medialab.am