Բելոռուսի մայրաքաղաք Մինսկի մետրոյի «Օկտյաբրսկայա» կայարանում այսօր երեկոյան տեղի ունեցած պայթյունի հետեւանքով բելոռուսական լրատվամիջոցները հաղորդում են առնվազն 11 զոհի եւ հարյուրից ավել վիրավորների մասին:
Դեպքի վայրում, ըստ տարբեր ԶԼՄ-ների, աշխատում են շտապօգնության եւ հրշեջ մեքենաներ: Ինչպես հաղորդել է Արտակարգ իրավիճակների Միսնկի քաղաքային վարչության պետի տեղակալ Վիտալի Դոմբովսկին, պայթյունի պատճառները դեռ հայտնի չեն:
Ահաբեկչության մասին դեռեւս ոչ մեկը չի խոսում, սակայն, բելառուսական ԶԼՄ-ներից մեկը Մինսկի մետրոոլիտենի պայթյունը համեմատել է անցած տարի Մոսկվայի մետրոպոլիտենում տեղի ունեցած պայթյունի հետ:
Բելառուսի նախագահ Ալեքսանդր Լուկաշենկոն, որի նստավայրը «Օկտյաբրսկայա» կայարանից հարյուր մետրի վրա է գտնվում, արտակարգ խորհրդակցություն է հրավիրել։
Ըստ ՀՀ ԱԳՆ մամլո խոսնակ Տիգրան Բալայանի, նախնական տեղեկություններով Մինսկի մետրոյի պայթյունի արդյունքում Հայաստանի քաղաքացիներ չեն տուժել:
© Medialab.am