Ամերիկան ոչնչացրել է իր համար մեկ թշնամուն: Պակիստանում սպանվել է աշխարհի ամենահայտնի ահաբեկիչ Ուսամա Բին Լադենը: Այս մասին երեկ հայտարարել է Ամերիկայի նախագահ Բարաք Օբաման:
«Այսօր ես կարող եմ ասել ամերիկայի ժողովրդին և ամբողջ աշխարհին` Միացյալ նահանգները հատուկ գործողության արդյունքում ոչնչացրել են Ուսամա Բին Լադենին: Ալ-Ղաիդայի առաջնորդը ահաբեկիչ էր, որը պատասխանատու է հազարավոր անմեղ կանանց, երեխաների և տղամարդկանց մահվան մեջ»,-հայտարարել է Օբաման:
Ամերիկյան մամուլը շտապել է արձագանքել այս լուրին: The Daily Beast պարբերականը այս թեմայով հոդված է տպագրել, վերնագրելով այն` «Ահաբեկչության դեմ պատերազմն ավարտված է»:
«Ուսամա Բին Լադենի մահը Ամերիկայի հնարավորություն է տալիս մի կողմ դնել ահաբեկչության դեմ պատերազմի կացինը, որը չափից շատ էր խանգարում ամերիկայի արտաքին քաղաքականությանը»,- գրում է պարբերականը:
Մինչեռ Պակիստանի թալիբները վստահեցնում են, որ Ուսամա Բին Լադենը ողջ է եւ «կեղծ» են անվանում նրա`մահվան մասին լուրերը:
Երեկ Բարակ Օբաման հայտարարել է, որ Բին Լադենի մարմինը գտնվում է ամերիկյան հատուկ ծառայությունների մոտ է:
«Բին Լադենի մահը «Ալ-Ղաիդային» պարտության մատնելու ճանապարհին մինչեւ այժմ մեր ունեցած խոշորագույն ձեռքբերումն է»,-հայտարարել է ԱՄՆ նախագահը:
© Medialab.am