Իրանում կորոնավիրուսով վարակվածների թիվը հասել Է 139-ի, գրանցվել Է մահվան 19 դեպք

Իրանում կորոնավիրուսով վարակվածների թիվը հասել Է 139-ի, նրանցից 19-ը հոգի մահացել են: Այդ մասին հայտնել Է երկրի առողջապահության նախարարության ներկայացուցիչ Քիանուշ Ջահանփուրը, տեղեկացնում Է «Արմենպրես»-ը:

«Երեկվանից մինչեւ փետրվարի 26-ի կեսօրը հաստատվել Է կորոնավիրուսով վարակման 44 նոր դեպք: Այս 44 դեպքի հաշվառմամբ վարակվածների թիվը հասնում Է 139-ի»,-ասել Է նա իրանական հեռուստատեսության եթերում: Ջահանփուրը նաեւ հայտնել Է կորոնավիրուսի նոր չորս զոհի մասին: Այդպիսով մահացածների ընդհանուր թիվը հասել Է 19-ի: 44 դեպքով վարակվածների թվի ավելացումն ամենաբարձր ցուցանիշն Է դարձել փետրվարի 19-ից ի վեր, հաղորդել Է ՌԻԱ Նովոստին: