Վերջին օրերին տեղեկություն է շրջանառվում, որ քաղաքացիների մի մասը խուճապահար մեծ քանակով պարենային ապրանք է գնում խանութներից։ Պատճառը, հավանաբար, Հայաստանում կորոնավիրուսի հայտանբերման առաջին դեպքն է։
Վարչապետ Նիկոլ Փաշինյանը և ՏՄՊՊՀ ղեկավար Գեղամ Գևորգյանը արդեն իսկ հանդես են եկել կոչով՝ խուճապի չմատնվել և մեծաքանակ գնումներ չկատարել, քանի որ երկրում պարենային ապրանքների և, առհասարակ, որևէ ապրանքի պակասություն (դիֆիցիտ) չկա` բացառությամբ բժշկական դիմակների (դրանք, սակայն, առկա են բոլոր հիվանդանոցներում և բուժ հիմնարկներում)։
Հայաստանը պարենային մի շարք ապրանքներով ինքնաբավ երկիր է, այսինքն արտադրվող ապրանքի քանակը բավարարում կամ գրեթե բավարարում է երկրի ներսում գոյություն ունեցող պահանջարկը։
Տեղեկատվության ստուգման կենտրոնը ներկայացնում է այն ապրանքների ցանկը, որոնցով Հայաստանը ինքնաբավ է։
Գերարտադրություն
| Կարտոֆիլ | 102.6 % |
| Վարունգ | 101.6 % |
| Լոլիկ | 129.0 % |
| Կաղամբ | 100.6 % |
| Ձուկ | 109.0 % |
| Ոչխարի, այծի միս | 128.6 % |
| Տաքդեղ | 103.3 % |
| Խնձոր | 105.9 % |
| Ծիրան | 179.5 % |
| Դեղձ | 110.8 % |
| Կեռաս | 160.8 % |
| Բալ | 124.3 % |
| Սալոր | 154.1 % |
| Խաղող | 104.8 % |
Բարձր ինքնաբավության աստիճան ունեն հետևյալ անուն ապրանքատեսակները
| Գարի | 97.4 % |
| Ձու | 99.5 % |
| Տավարի միս | 89.2 % |
| Կաթ | 86.8 % |
| Վարսակ | 85.6 % |
| Սմբուկ | 99.9 % |
| Գլուխ սոխ | 91.2 % |
| Սխտոր | 99.0 % |
| Լոբի | 83.1 % |
| Բոստանային մշակաբույս | 98.7 % |
| Կանաչ լոբի | 99.9 % |
| Ընկույզ | 94.9 % |
Տեղեկատվության ստուգման կենտրոն
