ԱՄՆ-ի վարակված 10 զինծառայողների փաստը ֆեյսբուքյան էջերի կողմից վերագրվում է հայկական բանակին

Հեղինակ MediaLab

Տեղեկատվության ստուգման կենտրոն – ԱՄՆ պաշտպանության նախարարությունը այսօր հայտնեց ամբողջ աշխարհում կորոնավիրուսով վարակված՝ իրենց 10 զինծառայողների մասին։ Այս տեղեկատվությունը խեղաթյուրված տարբերակով տարածվում է ֆեյսբուքի հայկական տիրույթում։

Խոսքը մասնավորապես վերաբերում է Մտքեր. Հավերժությունը ֆեյսբուքյան էջին, որը, տեղադրելով նյութի հղումը, գրել է՝ «Պաշտպանության նախարարությունը հայտնել է կորոնավիրուսով վարակված 10 զինծառայողների մասին»՝ տպավորություն ստեղծելով, թե խոսը Հայաստանի Հանրապետության  պաշտպանության նախարարության հայտարարության մասին է, և դեպքը տեղի է ունեցել հայկական բանակում։

Նշենք, որ ապատեղեկատվություն տարածող այս էջն ունի ավելի քան 34 հազար հետևորդ։

Կորոնավիրուսի մասին տարածվող կեղծ լուրերի հերքումներին կարող եք ծանոթանալ Տեղեկատվության ստուգման կենտրոնի COVID-19 բաժնում։