Այսօր ՀՀ նախագահ Սերժ Սարգսյանի հրամանագրով ոստիկանապետ Ալիկ Սարգսյանը ազատվել է աշխատանքից եւ նշանակվել նախագահի խորհրդական:
Մի այլ հրամանագրով, ՀՀ պաշտպանության նախարարի տեղակալի Վլադիմիր Գասպարյանը պաշտոնից ազատել եւ նշանակվել է ՀՀ կառավարությանն առընթեր ոստիկանության պետ:
Այս նշանակումների մասին, երեկվանից արդեն իսկ մամուլում խոսակցություններ էին շրջանառվում:
ՀՀԿ փոխնախագահ Գալուստ Սահակյանն այսօր լրագրողների հարցերին ի պատասխան չի բացառել նոր կադրային փոփոխությունների հավանականությունը:
«Մեծ քաղաքական թիմ է, և անընդհատ հնարավոր է դերակատարների փոփոխություն: Լուրջ փոփոխություններ չեն լինի, բայց ինչ-որ բաներ կլինեն»,-հայտարարել է Սահակյանը:
© Medialab.am
