Արարատի մարզպետն ու նախարարը այցելել են կորոնավիրուսով վարակված պացիենտներին, որոնք Արտաշատի ԲԿ-ում են

Արարատի մարզպետ Գարիկ Սարգսյանը Առողջապահության նախարար Արսեն Թորոսյանի հետ այցելել է Արտաշատի բժշկական կենտրոն, որտեղ գտնվում են կորոնավիրուսով վարակված պացիենտներ։

«Առողջապահության նախարար Արսեն Թորոսյանի հետ երեկ այցելել էինք Արտաշատի բժշկական կենտրոն, որն, ինչպես հայտնի է, օրեր առաջ վերապրոֆիլավորվել և սպասարկում է միայն կորոնավիրուսային հիվանդությամբ վարակված պացիենտներին:

Նախարարի հետ ծանոթացել ենք ծառայությունների մատուցման ընթացքին։ Նշեմ, որ ԲԿ-ում բժշկական օգնության կազմակերպումը բարձր մակարդակով է կատարվում, պացիենտների բուժման համար ստեղծված են բոլոր պայմանները, նախարարի գնահատմամբ էլ՝ այն լիովին համապատասխանում է ԱՀԿ պահանջներին։

Նշեմ նաև, որ Կենտրոնում հիվանդանոցային բուժում ստացող պացիենտները ապահովված են անհրաժեշտ դեղորայքով, բժշկական և հիգիենիկ պարագաներով, նրանց տրվում է 3-անգամյա սնունդ:

Շնորհակալություն եմ հայտնում մեր հերոս բուժաշխատողներին՝ ամենաօրյա սրտացավ աշխատանքի համար։ Սիրելի քաղաքացիներ, հիշեք՝ նրանք օր ու գիշեր աշխատում են հանուն ձեր առողջության։

Դուք էլ մնացեք տանը հանուն նրանց»,- իր ֆեյսբուքյան էջում գրել է մարզպետը։

https://www.facebook.com/SargsianGarik/posts/679845716115170