Փետրվարի վերջին`գարնանն ընդառաջ, Երևանի կենդանաբանական այգու հինգ զույգ սպիտակագլուխ անգղերը միանգամից ձվադրել են: Այս մասին տեղեկացնում է Երեւանի կենդանաբանական այգու պաշտոնական կայքէջը:
“Սա իսկական իրադարձություն է` հաշվի առնելով այն, որ լեշակեր այս թռչնատեսակը գրանցված է Հայաստանի Կարմիր գրքում:
43 օր ինկուբացիոն շրջանից հետո` ապրիլի 3-ին, Երևանի կենդանաբանական այգին նոր բնակիչ ունեցավ: Ձվից դուրս եկած փոքրիկ սպիտակագլուխ անգղի ճուտիկին ծնողները հերթափոխով հոգատար խնամում են: Դրան հաջորդեց մյուս ձագերի լույս աշխարհ գալը”,-նշված է այգու կայքէջում:
© Medialab.am
