Մաքրման կայան չկա, լինելու մասին խոսք էլ չկա

Մաքրման կայան չկա, լինելու մասին խոսք էլ չկա
Մաքրման կայան չկա, լինելու մասին խոսք էլ չկա
Հեղինակ MediaLab

Արարատի ցեմենտի գործարանի պաշտոնական կայքում բացակայում է բնապահպանությանը նվիրված բաժինը, ինչպես եւ ֆիլտրող կայանները, որոնք պետք է ապահովեին օդի մաքրությունը: Այդ պատճառով Արարատի մարզը, ՀՀ ազգային վիճակագրության ծառայության տվյալներով, համարվում է օդի առումով ամենաղտոտվածը Հայաստանի հանրապետությունում:
«Ցանկացած ցեմենտի գործարան նախագծելուց այն անպայման ունենում է իր օտարման գոտին, կանաչ գոտին: Կանաչ գոտին եթե լինի, ահագին թեթեւ է լինելու»,- «Էկոլուր» տեղեկատվական հասարակական կազմակերպությանը հայտնել է Արարատի քաղաքապետարանի գլխավոր ճարտարապետ Հրաչ Դավթյանը:
Ցեմենտի գործարանը ցանկացել է ժամանակին գործարանի տարածքում կանաչ գոտի ստեղծել, բայց դա շատ ծախսատար է եղել, որի պատճառով հրաժարվել են այդ մտքից: Ցեմենտի գործարանի տերերը խոստացել են նաեւ ֆիլտրող կայաններ տեղադրել, բայց դա եւս չի արվել:

 

Արարատի քաղաքացիները հիշում են, որ օդի վիճակը այդքան սարսափելի չէր տարիներ առաջ ու մարդկանց մոտ չէին գերիշխում շնչառական հիվանդությունները:

«Ունեինք երկու գործարան: Ներքեւի գործարանն աշխատում էր լռիվ ուրիշ սխեմայով, արտանետումները բավականին ցածր էին. այն աշխատում էր խոնավ մշակման եղանակով»,- «Էկոլուրին» հայտնել է բնակիչներից Գոհար Մարտիրոսյանը:

Նա պատմում է եւս մեկ գործարանի մասին, որը չոր եղանակով է աշխատել՝ հումքի ջերմային մշակման հիման վրա, եւ օգտագործվել են հատուկ ֆիլտրեր, որ մանր փոշին ու արտանետած մետաղները կարողանային կլանվել:

© Medialab.am