Վարդենիս քաղաքում իրականացվում են ախտահանման աշխատանքներ

Հեղինակ MediaLab

Վարդենիս համայնքում կորոնավիրուսի տարածումը կանխելու նպատակով իրականացվող միջոցառումների շրջանակներում Վարդենիսի համայնքապետարանի եւ ԱԻՆ փրկարարական ծառայության համատեղ միջոցներով ապրիլի 17-ից ախտահանվում են քաղաքի բազմաբնակարան շենքերը, անհատ քաղաքացիների բնակարանները, պետական կառույցները, առողջապահական հաստատությունները, կենտրոնական փողոցները։

Աշխատանքները կրում են շարունակական բնույթ, համայնքում իրականացվում է ամենօրյա ախտահանում։ Այս մասին տեղեկացնում է Գեղարքունիքի մարզպետարանի Ֆեյսբուքի էջը:

Հիշեցնենք, որ Գեղարքունիք մարզպետ Գնել Սանոսյանը հայտնել էր, որ երեկվա դրությամբ Վարդենիսում կորոնավիրուսի 47 դեպք էր հաստատվել:

ՀՀ Գեղարքունիքի մարզպետարան-ի լուսանկարը:
ՀՀ Գեղարքունիքի մարզպետարան-ի լուսանկարը:
ՀՀ Գեղարքունիքի մարզպետարան-ի լուսանկարը: