Եվրախորհրդարանի՝ Կիպրոսը ներկայացնող պատգամավոր (2009-2019) Էլենի Թեոխարիուսը Հայոց ցեղասպանության 105-րդ տարելիցի առիթով գրառում է կատարել «Թվիթեր»-ի իր միկրոբլոգում:
«Արմենպրես»-ի փոխանցմամբ՝ նա մասնավորապես գրել է, որ մեծարում և հարգում է հայ եղբայրներին, որոնք սպանվել են Փոքր Ասիայում մուսուլմանների ամբոխի կողմից: «Ծնկի ենք գալիս անմեղ մարդկանց, կանանց, երեխաների, տարեցների, անպաշտպան և անզեն զոհերի առաջ»,-նշել է նա:
Էլենի Թեոխարիուսը նաև այցելել է Արցախ: Ադրբեջանն ի թիվս Արցախ այցելած Եվրախորհրդարանի մյուս անդամների, հետախուզում էր հայտարարել նաև Թեոխարիուսի նկատմամբ:
Կիպրոսը դատապարտել և ճանաչել է Հայոց ցեղասպանությունը: