Երեկ Իտալիան ցնցած 5.8 մագնիտուդ ուժգնությամբ երկրաշարժի ու դրան հաջորդած հետցնցումների զոհերի թիվը հասել է 17-ի, սակայն այս թիվը վերջնական չէ, հայտնում է բրիտանական The Telegraph-ը: Երկրաշարժի էպիկենտրոնը գտնվել է Մեդոլա քաղաքից 3 կմ հեռավորության ու 9.6 կմ խորության վրա:
Որոնողական աշխատանքները դեռ շարունակում են:
Ավերվել են տասնյակ տներ, ավերակների է վերածվել Կավեցո փոքրիկ քաղաքը: Բոլոնիա ու Մոդենա քաղաքներում գնացքների երթևեկությունը դադարեցվել է:
Տնտեսագետները սկսել են հաշվել տնտեսությանը հասցված վնասի չափը՝այն գերազանցում է 200 մլն եվրոն:
© Medialab.am
