Տիգրան Սարգսյանն ընդունել է Ավստրալիայի վարչապետի հատուկ բանագնացին

Տիգրան Սարգսյանն ընդունել է Ավստրալիայի վարչապետի հատուկ բանագնացին
Տիգրան Սարգսյանն ընդունել է Ավստրալիայի վարչապետի հատուկ բանագնացին
Հեղինակ MediaLab

Վարչապետ Տիգրան Սարգսյանն ընդունել է Ավստրալիայի վարչապետի Արևելյան Եվրոպայի, Բալկանների և Կովկասի հարցերի հատուկ բանագնաց Ռասել Թրուդին:Այդ մասին տեղեկացնում է ՀՀ կառավարության պաշտոնական հաղորդագրությունը:
«Հայաստանը շահագրգռված է հայ-ավստրալիական հարաբերությունների զարգացման և խորացման գործում»,- ասել է Տիգրան Սարգսյանը՝ կարևորելով երկկողմ և բազմակողմ ձևաչափերում փոխադարձ աջակցությունը և հետաքրքրություն ներկայացնող հարցերի քննարկումը:

Ռասել Թրուդը վարչապետին է ներկայացրել Ավստրալիայի կառավարության խնդրանքը՝ 2013-2014 թթ. ՄԱԿ-ի Անվտանգության Խորհրդում Ավստրալիայի թեկնածությանն աջակցելու հարցում:

Տիգրան Սարգսյանը խոստացել է քննարկել հարցը և մինչ քվեարկությունը ներկայացնել Հայաստանի դիրքորոշումը:

Զրուցակիցները կարևորել են ինչպես տարբեր միջազգային կազմակերպություններում փոխադարձ աջակցությունը, այնպես էլ երկու երկրների միջև տնտեսական կապերի խորացումը և այդ ուղղությամբ գործնական քայլերի իրականացումը:

© Medialab.am