«Պահանջում ենք պատժել «Հարսնաքարում» տեղի ունեցածի բոլոր մեղավորներին» Facebook-յան նախաձեռնող խումբը ոստիկանությունից պահանջում ենք ապահովել ակցիայի մասնակիցների անվտանգությունը այսօր երեկոյան կայանալիք մոմավառության ժամանակ:
Հիշեցնենք, որ այսօր (30.06.2012) ժամը 21:00 Հարսնաքարի դիմաց, (Երևան, Աճառյան փող., 37 շենք, Ավան վարչական շրջան) տեղի կունենա մոմավառություն՝ ի հիշատակ Վահե Ավետյանի։
«Այս ակցիան նպատակ ունի ցույց տալու մեր բոլորիս վճռականությունը և կամքը, որ մենք անտարբեր չենք լինելու նման անօրինությունների ու ինքնադատաստանի երևույթի նկատմամբ: Մենք պայքարելու ենք այնքան, որ բոլոր մեղավորները խստագույնս պատժվեն և ՀՀ քաղաքացին մեր երկում իրեն զգա պաշտպանված և անվտանգ, ինչպես ամրագրված է ՀՀ Սահմանադրությունում: Նման դեպք կարող է պատահել յուրաքանչյուրիս հետ: Մեր մասնակցությունը սոլիդարության և ապագայում նման դեպքեր բացառելու հարց է,-նշված է նախաձեռնող խմբի տարածած հայտարարության մեջ:
Հայաստանի Հանրապետության Ոստիկանությունից պահանջում ենք ապահովել ակցիայի բոլոր մասնակիցների, լրագրողների անվտանգությունը»:
Նախաձեռնող խումբը նաեւ նշել է երթուղիները, որոնք կօգնեն մասնակիցներին հասնել դեպքի վայր, որը ներկայացնում ենք ստորեւ:
Ավան՝ Հանցաքար (Հարսնաքար) գնացող երթուղիները. Եթե անգամ հենց դիմացը չեն կանգնում, ապա մոտ են գնում
16-րդ թաղամասից՝5 համարի երթուղային,
Բագրատունյաց պողոտայից՝10 համարի երթուղային
Նոր Նորքից՝16,40 համարի երթուղայիններ
Նոր Նորքի 7-րդ զանգվածից՝32 համարի երթուղային
Չարբախից՝54 համարի երթուղային
Գյուղ Հաղթանակից՝56 համարի երթուղային
Կրկեսից՝59 համարի երթուղային
Արաբկիրից՝61 համարի երթուղային
Էրեբունու զանգվածից՝81,86 համարի երթուղայիններ
ՀԱԹ-ից՝101 համարի երթուղային
Եռաբլուր՝100 համարի երթուղային
Հրազդան մարզադաշտ՝102 համարի երթուղային
Դավթաշենից՝115 համարի երթուղային
Բարեկամությունից՝4 համարի ավտոբուս
Կայարանից՝ 17 համարի ավտոբուս
Հանրապետական մարզադաշտ՝41 համարի ավտոբուս
© Medialab.am