Թուրքիայի Էրզրում նահանգի Այնալըքքալեյում բնակվող հովիվ 44-ամյա Մեւլութ Դիլեքչին պնդում է, որ անասուններին արածեցնելու ժամանակ հայտնված արջը քարով հարվածել է իրեն եւ պատրաստվել է ուտել: Այս մասին թուրքական Milliyet-ին վկայակոչելով գրում է news.am լրատվական կայքը:
«Մեվլութ Դիլեքչին հուլիսի 6-ին բջջային հեռախոսով զանգահարել է ժանդարմերիա՝ պնդելով, որ արջը ցանկանում է իրեն ուտել: Ժանդարմերիան, հաշվի առնելով, որ ցամաքով հասնելը դժվար կլինի, Էրզրումից շտապօգնության ուղղաթիռ է կանչել: Ուղղաթիռը կարողացել է գտնել վիրավորված հովվին եւ տեղափոխել Էրզրումի հիվանդանոց:
44-ամյա հովիվը պատմել է, թե անասուններին արածեցնելու ժամանակ հետեւից քարով հարված է ստացել, որից հետո շրջվել եւ տեսել է արջին: Նա պնդել է, թե չի կարողացել շարժվել եւ փրկվելու համար զանգահարել է ժանդարմերիա:
Նշենք, որ Էրզրում նահանգում բավականին շատ են արջի հարձակման հետեւանքով տուժածները: Նախորդ տարի օգոստոսին երկու օրվա ընթացքում արջի հարձակման հետեւանքով 2 մարդ էր մահացել»,-նշում է աղբյուրը:
© Medialab.am
