Սուբվենցիոն ծրագրով Շիրակի մարզի Հայկավան համայնքում տեղադրվել են հակակարկտային կայաններ

Հեղինակ MediaLab

Շիրակի մարզպետարանից տեղեկացնում են, որ սուբվենցիոն ծրագրով, կառավարություն-համայնք համագործակցության արդյունքում Հայկավան համայնքում տեղադրվել են հակակարկտային կայաններ։

Համայնքների տնտեսական և սոցիալական ենթակառուցվածքների զարգացմանն ուղղված սուբվենցիայի հայտերի գնահատման միջգերատեսչական հանձնաժողովի կողմից ծրագիրն հավանության է արժանացել և տեղադրվել են «Զենիթ-տուրբո» տեսակի 3 հակակարկտային կայաներ։ Ծրագրի արժեքը 6,3 մլն դրամ է, որի 50 տոկոսը պետությունն է հատկացրել, 50-ը՝ համայնքը։

Մարզում 2020 թվականին հակակարկտային կայաններ ձեռք բերելու նպատակով Սարապատ, Ամասիա, Հայկավան և Մարմաշեն համայնքների կողմից ներկայացվել են սուբվենցիայի ծրագրային հայտեր: Բոլոր հայտերը հավանության են արժանացել միջգերատեսչական հանձնաժողովի կողմից: Իսկ Անի համայնքի կողմից 2019 թվականի ներկայացված «Հակակարկտային կայանների ձեռքբերում» սուբվենցիայի ծրագրի շրջանակներում 2020 թվականին նախատեսված է տեղադրել 20 հակակարկտային կայան: Ծրագրերի ընդհանուր արժեքը՝ 92.4 մլն դրամ է, որից պետության համաֆինանսավորման չափը կազմում է 46.2 մլն դրամ:

Սուբվենցիոն ծրագրով, կառավարություն-համայնք համագործակցության արդյունքում Հայկավան համայնքում տեղադրվել են հակակարկտային…

Gepostet von ՇԻՐԱԿԻ ՄԱՐԶՊԵՏԱՐԱՆ am Dienstag, 26. Mai 2020