Ազգային ժողովի պատգամավոր Արման Բաբաջանյանը, որը որպես կամավոր եղել էր Նորք կլինիկական ինֆեկցիոն հիվանդանոցում, իր ֆեյսբուքյան էջում ամփոփել է անյտեղ տեսածը․
«Այն ինչ տեսա, ինչին առերեսվեցի, լսեցի, զգացի,ապրեցի Նորքի ինֆեկցիոն հիվանդանոցում խոսքերով հնարավոր չէ նկարագրել: Վարակի տեմպը գնահատող մասնագետ-բժիշկների հավաստմամբ հունիսի կեսերին օրական կտրվածքով ունենալու ենք կորոնավիրուսով վարակված հիվանդների տասնյակ մահեր՝ հատկապես շատանալու են մահերը տներում:
Այսօրվա իմ փորձառության մասին առաջիկայում հանդես կգամ մանրակրկիտ ներկայացմամբ:
Մասնագիտական ոլորտը մահամերձ է, մեզ անհապաղ սթափվել է պետք», -իր ֆեյսբուքյան էջում գրել է նա:
