Օպերատիվ իրավիճակը հանրապետությունում մայիսի 27-ից հունիսի 1-ը

Հեղինակ MediaLab

Ըստ ոստիկանության օպերատիվ հաղորդագրությունների ամփոփագրերի` մայիսի 27-ից հունիսի 1-ը Հայաստանի Հանրապետության ոստիկանության տարբեր ստորաբաժանումների կողմից բացահայտվել է հանցագործության 201 դեպք, որից 8-ը՝ նախկինում կատարված։

Մասնավորապես՝ մարմնական վնասվածք հասցնելու` 44, անձնական ունեցվածքի գողության և յուրացման կամ վատնման՝ 32-ական, խարդախության՝ 18, ընտանեկան բռնության՝ 9, թմրամիջոցի հայտնաբերման ու սպանության սպառնալիքի՝ 6-ական, ապօրինի ծառահատման և ծեծի՝ 5-ական, անձի առևանգման՝ 4, պետական-հասարակական ունեցվածքի գողության, զենք-զինամթերքի առգրավման ու խուլիգանության՝ 3-ական, բռնաբարության և բռնաբարության փորձի, կողոպուտի, գույքի դիտավորությամբ վնասման և դրամանենգության՝ 2-ական, սպանության, շորթման, որսագողության, պաշտոնեական լիազորությունների չարաշահման, պաշտոնեական կեղծիքի կամ անփութության, իշխանության ներկայացուցչի նկատմամբ բռնության, փաստաթղթի կեղծիքի, փաստաթղթի հափշտակման, սուտ մատնության, անձնական կամ ընտանեկան կյանքի մասին տեղեկություններ ապօրինի հավաքելու, պահելու, օգտագործելու կամ տարածելու, անհետաձգելի միջամտության որոշումը խախտելու, 16 տարին չլրացած անձի հետ սեռական հարաբերություն ունենալու, թմրամիջոցներ առաքելու կանոնները խախտելու, թմրանյութի իրացման ու ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելու, իրացնելու, պահելու, փոխադրելու կամ կրելու՝ 1-ական դեպք։

Հայտնաբերվել է 3 անհետ կորած, 7 հետախուզվող։ Կամավոր ներկայացել է 9։
Գրանցվել է զենք-զինամթերքի կամավոր հանձնման 3 դեպք։
Նախկինում կատարված հանցագործություններից բացահայտվել է անձնական ունեցվածքի գողության՝ 3, մարմնական վնասվածք հասցնելու, ավազակային հարձակման, բնակարանային գողության, գույքի դիտավորությամբ վնասման և ահաբեկության մասին սուտ հաղորդում տալու 1-ական դեպք։

6 օրվա ընթացքում հանրապետությունում արձանագրվել է ճանապարհատրանսպորտային 47 պատահար, ինչի հետևանքով 1 մարդ զոհվել է, 70-ը՝ ստացել տարբեր աստիճանի մարմնական վնասվածքներ:

Այս մասին տեղեկացնում է Ոստիկանությունը։