Հունիսի 8-ին կիրականացվի Մոսկվա-Երևան հատուկ չարտերային թռիչք

ինքնաթիռ

ՌԴ-ում ՀՀ դեսպանությունը տեղեկացնում է, որ հունիսի 8-ին «Դոմոդեդովո» օդանավակայանից նախատեսված «Ռեդ Վինգս» ընկերության Մոսկվա-Երևան հատուկ չարտերային թռիչքը տեղի կունենա ժամը՝ 18։00-ին։

«Հատուկ չվերթով Հայաստան կվերադառնան պարտադիր զինվորական ծառայության մեկնող քաղաքացիները, նրանց ընտանիքի անդամները, ինչպես նաև դեսպանությունում ցուցակագրված քաղաքացիների մի խումբ (մինչև՝ 1712 համարը):

Հերթերից խուսափելու նպատակով ցուցակագրված քաղաքացիները, ում հետ հաստատվել է հեռախոսակապ և ովքեր վերհաստատել են մեկնելու իրենց պատրաստակամությունը, կարող են այս չվերթի տոմսերը ձեռք բերել «Դոմոդեդովո» օդանավակայանի N 94 տոմսարկղից հունիսի 7-ին (ժամը՝ 10։00-ից 21։00-ն) և հունիսի 8-ին (ժամը՝ 09։00-ից մինչև 14։00-ն)։ Ավիատոմսի արժեքը՝ 13 հազ․ռուբլի։

Ուղեբեռը՝ 23 կգ (մեկ կտոր), ձեռքի ուղեբեռը՝ 8 կգ (մեկ կտոր)։ Նշենք, որ մինչև երկու տարեկան երեխաների տոմսերն անվճար են (առանց ուղեբեռի)։

Հաշվառումը կմերնարկի հունիսի 8-ին ժամը՝ 15։00-ին (հաշվառման սեղաններ՝ 23-33)։

Ստորև հրապարակում ենք այս չվերթով մեկնողների անունները»,- նշված է հաղորդագրության մեջ։

https://www.facebook.com/armembrus/posts/1134475423604260?xts%5B0%5D=68.ARCYPbtDjGwHGNmhgCiC0MfpTG_43Tqam-gEMrrRklR-qyBirw651MM6Sz0ivdbymLLSNo84xLM3V9C2lhzbgcI3L21urKL6jgKIsmnpvEaCOI0PG4flDBmKxDahrBWLnPEdgwoVpovfuNXa82lZ-fHf6_LqYRCCfHfeCV_xJn_k45S2V1a8Nw4Qyuw3wAzaBJHqoNG4Py07LB6dpNc6XrotWo5n9L_hMjZdNIpFdHnnOANjHxATpoGJYXv72arN8cIQE_3Cpuf8ildUEQRBy2wAfnncI1uhXOzcAaB6ypGRs0cXw04TUkFGDYRuKp3cuwTJJ8ZLfDMepAq8KZOUIp3rBg&tn=-R