ԵՀՀ մեդիա մրցանակաբաշխության առցանց հեռարձակման հրավեր

Հեղինակ MediaLab

Սիրով հրավիրում ենք Ձեզ մասնակցելու Եվրասիա համագործակցություն հիմնադրամի  կողմից իրականացվող Կրոնական և ազգային փոքրամասնությունների մասին հանդուրժողականության թեմայի շուրջ լավագույն լրագրողական նյութի ամենամյա մրցանակաբաշխությանը։ Համավարակի տարածման արդյունքում, այս տարի միջոցառումն իրականացվում է տեսանյութի առցանց հեռարձակմամբ, որին կարող եք հետևել ս.թ. հունիսի 12-ին` ժամը 20:30-ին, հետևյալ հղումով։ 

Այս տեսանյութում ամփոփվում է 2019-2020 թվականների Կրոնական հանդուրժողականության թեմայով լավագույն լրագրողական նյութի…

Gepostet von Eurasia Partnership Foundation-Armenia am Montag, 8. Juni 2020


Տեսանյութի առցանց հեռարձակումը կընթանա հայերեն լեզվով և կուղեկցվի հայերեն և անգլերեն ենթագրերով:

Լրագրողական ամենամյա մրցանակաբաշխությունը տեղի է ունենում արդեն 5-րդ անգամ և նպատակ ունի խրախուսել Հայաստանում հանդուրժողականության, խաղաղ համակեցության և բազմազանության վերաբերյալ հավասարակշռված և նրբանկատ լրագրողական լուսաբանումը, որը կնպաստի փոքրամասնություն կազմող համայնքների նկատմամբ հասարակության հանդուրժողական և հարգալից վերաբերմունքի ձևավորմանը:

Այս տարի ԵՀՀ-ն ստացել է մրցույթային 34 նյութ։ Հաղթողներն ընտրվել են մասնագիտական հանձնաժողովի կողմից, որն ուսումնասիրել է 2019 թվականի փետրվարի 1-ից մինչև 2020 թվականի մարտի 5-ն ընկած ժամանակահատվածում հրապարակված լրագրողական նյութերը:

Լրագրողական նյութի ամենամյա մրցանակաբաշխությունն իրականացվում է Եվրասիա համագործակցություն հիմնադրամի «Կայուն բարեփոխումներին ընդառաջ. կրոնի կամ համոզմունքի ազատության խթանումը Հայաստանում» նախագծի շրջանակներում, որն իրականացվում է Վրաստանում և Հայաստանում Նիդերլանդների Թագավորության դեսպանության աջակցությամբ:

ԵՀՀ մարդու իրավունքների թիմ