Առողջապահական և աշխատանքի տեսչական մարմնի Զվարթնոց սահմանային կետը վերազինվել է

Հեղինակ MediaLab

ՀՀ առողջապահական և աշխատանքի տեսչական մարմնի և ՄԱԿ-ի Զարգացման ծրագրի հայաստանյան գրասենյակի գործընկերության շրջանակում վերջինս նվիրաբերել է համակարգչային տեխնիկա և սարքավորումներ, որոնք համալրել են տեսչական մարմնի տեխնիկական բազան։

Համակարգչային տեխնիկան տեղադրվել է ՀՀ ԱԱՏՄ Զվարթնոց բժշկասանիտարական հսկիչ կետում` սահուն կազմակերպելու ՀՀ սահմանին ԱԱՏՄ նոր գործառույթի իրականացումը։

Վերջինի շրջանակում ԱԱՏՄ համալրված թիմը երկիր մուտք գործող անձանց տվյալները գրանցում և մուտքագրում է էլեկտրոնային առողջապահության «Արմեդ» համակարգ՝ ամբողջական և ճշգրիտ տվյալներ ապահովելով ՀՀ պետական սահմանը հատող անձանց վերաբերյալ, որպեսզի հարկ եղած դեպքում նրանց վիճակի հետագա վարումն անխափան կազմակերպվի։

Նախկինում այս աշխատանքի փոխարեն սահմանային կետում լրացվում էին հասցեական քարտեր։

ՄԱԿ-ի Զարգացման ծրագիրն ԱԱՏՄ-ին մեծապես աջակցում է նաև նշյալ աշխատանքների կազմակերպման առումով։

ԱԱՏՄ Զվարթնոց սահմանային կետը վերազինվել է ՄԱԿ-ի զարգացման ծրագրի աջակցությամբՀՀ առողջապահական և աշխատանքի տեսչական…

Gepostet von ՀՀ առողջապահական և աշխատանքի տեսչական մարմին/HLIB.am am Samstag, 20. Juni 2020