Հայաստանի Ազգային ժողովը քիչ առաջ ձայների մեծամասնությոմբ՝ 89 կողմ ձայնով ընդունեց Սահմանադրության փոփոխությունների նախագիծը։
Փաստաթուղթը, հիշեցնենք, վերաբերում է Սահմանադրական դատարանի կազմի փոփոխություն։ Ըստ այդմ, ՍԴ-ում 12 և ավելի տարի պաշտոնավարած դատավորները կազատվեն, իսկ մինչև 12 տարի պաշտոնավարած դատավորները կշարունակեն պաշտոնավերլ մինչև 12 տարին լրանալը։
Armenpress.am-ի փոխանցմամբ, օրինագծի ընդունմամբ դադարեցվում են, մասնավորապես, ՍԴ դատավորներ Ալվինա Գյուլումյանի, Ֆելիքս Թոխյանի և Հրանտ Նազարյանի պաշտոնավարումը, իսկ ՍԴ ներկայիս նախագահ Հրայր Թովմասյանը կշարունակի պաշտոնավարել՝ որպես ՍԴ անդամ:
Ազգային ժողովը որոշել է նաև Սահմանադրության փոփոխությանը վերբերող հարցով չդիմել Սահմանադրական դատարան:
Սահմանադրության փոփոխություններն ուժի մեջ կմտնեն պաշտոնական հրապարակմանը հաջորդող օրվանից: