Երևանի քաղաքապետարանի տեղեկատվության և հասարակայնության հետ կապերի բաժնի պետ Հովսեփ Կուբատյանը տեսանյութ է հրապարակել, որով ներկայացնում է՝ ինչպես է աշխատում դեպի Մոնումենտ բարձրացող հատվածում Սարալանջի ոռոգման համակարգը։
«Սարալանջի ոռոգման համակարգը հանձնվել է շահագործման։ Որոշ ժամանակ այն կգործի փորձնական ռեժիմով», -գրել է նա։
Նշենք, որ ավելի վաղ Երևանի քաղաքապետարանը հայտարարել էր, որ ծրագրում են հոկտեմբերից ծառատունկ իրականացնել այդ հատվածում՝ կանաչապատելով Սարալանջը։