Դեռևս պարզ չէ, թե պաշտպանության նախարար Սեյրան Օհանյանը կայցելի Ազատության հրապարակում նստացույց հայտարարած ազատամարտիկներին, թե ոչ, այսօր մեր թղթակցի հարցին ի պատասխան ասել է ՊՆ մամուլի խոսնակ Արծրուն Հովհաննիսյանը: Ամենայն հավանականությամբ, նախարարը չի այցելի չքավորության շեմին հայտնված ազատամարտիկներին, քանի որ միասին մարտական ուղի անցած հերոսների և նախարարի ներկայիս կեցության պայմանների տարբերությունն ահռելի է:
«Ազատամարտիկիներն այն մարդիկ են, ում հետ կապված Հայաստանը որևէ խնդիր պիտի չունենար, ում հետ առաջինը պիտի խոսեին: Եվ քանի որ մենք ընդունել ենք կյանքի շուռ տված փիլիսոփայություն, ազատամարտիկները հայտնվել են որտեղ որ պիտի հայտնվեին` հարյուրերոդ տողում, այսինքն` մոռացված են, և սա խայտառակություն,- այսօր Ազատության հրապարակում հայտարարեց նստացույց անող ազատամարտիկներին այցի եկած Ղարաբաղ կոմիտեի անդամ Աշոտ Մանուչարյանը` ընդգծելով, որ այս իրավիճակը ուղղակի վկայությունն է այն բանի, թե ինչպիսի խորը փոսի մեջ է հայտնվել մեր երկիրը: – Ես հույս ունեմ, որ բոլոր նրանք, ովքեր այսօր իշխանական, քաղաքական համակարգերում դեռ ինչ-որ հիշողություններ ունեն մեր երկրի 25 տարվա պատմության հետ, շատ արագ քայլեր կձեռնարկեն, որպեսզի այս խայտառակությունը դադարեցվի»:
Ամբողջական հոդվածը կարող եք կարդալ այստեղ