Կոտայքի մարզպետի պաշտոնակատար Առնակ Ավետիսյանի՝ Հրազդանի տարածաշրջան կատարած աշխատանքային այցի հաջորդ կանգառը Լեռնանիստ համայնքում էր, որտեղ կառավարության սուբվենցիոն ծրագրով մեկնարկել են ներհամայնքային ճանապարհների կապիտալ ասֆալտապատման աշխատանքներ:
Մարզպետի խորհրդականների և Լեռնանիստ համայնքի ղեկավարի ուղեկցությամբ փոխմարզպետը նախ եղել է շինհրապարակում, որտեղ այս պահին իրականացվում են հողային նախապատրաստման աշխատանքներ:
Շահած ծրագրի արժեքը 21.564 410 դրամ է, որից 60 %-ը պետական բյուջեի ֆինանսավորման չափն է, 40%-ը՝ համայնքի ներդրումը:
Առնակ Ավետիսյանը կարևորել է պետություն -համայնք փոխկապակցված համագործակցությունը, ինչը թույլ է տալիս մեր համայնքներում կյանքի կոչել տնտեսական և սոցիալական զարգացմանն ուղղված ծրագրեր:
Ասֆալտապատվող ճանապարհահատվածը դիտարկելուց հետո Ա.Ավետիսյանը այցելել է նաև Լեռնանիստի միջնակարգ դպրոց, որտեղ մարզային ենթակայության ուսումնական հաստատություններում իրականացված ֆինանսական վերաբաշխումների արդյունքում Կոտայքի մարզպետարանի կողմից Լեռնանիստի միջնակարգ դպրոցին հատկացված ֆինանսական միջոցների (2 մլն դրամ) հաշվին շատ շուտով կմեկնարկեն 2 սանհանգույցների վերանորոգման աշխատանքներ:
Նշենք, որ անցյալ տարի դպրոցի բյուջեի խնայողություններից ավելի քան 4 մլն դրամ է ուղղվել դպրոցի բակում խաղահրապարակ կառուցելու նպատակով:
📌«Խնդիրները շատ են, սակայն մեր դպրոցների, կրթօջախների նկատմամբ հոգատարություն դրսևորելով, միմյանց հետ արդյունավետ փոխգործակցելով, խնդիրներն ըստ առաջնահերթության գույքագրելով՝ այսուհետ ևս քայլ առ քայլ կյանքի ենք կոչելու մեր ծրագրերը»,- Լեռնանիստ կատարած այցի ավարտին նշել է մարզպետի պաշտոնակատար Առնակ Ավետիսյանը:
Այս մասին հայտնում է ՀՀ Կոտայքի մարզպետարանը: