Երևանի կենդանաբանական այգու պավիան համադրիլ աֆրիկյան ցեղատեսակի Կրիկուն անունով կապիկը երկու կին ունի՝ Տոտոն և Միմին: Բայց, ինչպես վիճակագրությունն է ցույց տալիս, գերադասելին է Տոտոն , քանի որ նա ծննդաբերում է ամեն տարի, իսկ Միմին՝ մի քանի տարին մեկ։
Կրիկունի ու Տոտոյի արու զավակներից մեկի անունն էլ դրվել է ցեղի պապիկ Գուգոյի պատվին՝ Գուգուշ կամ Գուգո II:
Բավականին հաշտ ընտանիք է, տիպիկ հայկական մենտալիտետով․ խիստ հայր, խիստ ամուսին իր ընտանիքի համար և շատ ուշադիր: Եթե մայրերից մեկը երեխաներին մի փոքր աչքաթող է անում, խստադեմ Կրիկունն արագ զգոնացնում է նրան:
Երևանի կենդանաբանական այգու գլխավոր կենդանաբույծ Աննա Ասատուրյանը պատմում է այս ընտանիքի բարքերի, առօրյայի ու ինտրիգների մասին։
