«Ապրելու Երկիր» կուսակցության հայտարարությունը․
«Ադրբեջանի կողմից խաղաղության պայմանագրի շրջանակում առաջ քաշած
սկզբունքների վերաբերյալ Հայաստանի դիրքորոշման հիմքում պետք է ընկած լինի
1992թ․ հուլիսի 8-ի Հայաստանի Հանրապետության Գերագույն խորհրդի որոշումը՝
համաձայն որի Հայաստանի Հանրապետության համար անընդունելի է միջազգային կամ
ներպետական ցանկացած փաստաթուղթ, որտեղ Լեռնային Ղարաբաղի Հանրապետությունը
նշված կլինի Ադրբեջանի կազմում:
Միևնույն ժամանակ, բանակցությունների շրջանակներում չպետք է մոռանալ
Ադրբեջանի կողմից Հայաստանի Հանրապետության սուվերեն տարածքից առնվազն 41
քառ․ կմ բռնազավթման փաստը։ Այդ տարածքից թշնամու զորքի դուրսբերումը,
ինչպես նաև բոլոր ռազմագերիների վերադարձը պետք է լինի բանակցությունների
նախապայման։ Հայաստանի Հանրապետության ինքնիշխանությունը անբեկանելի է, այն
քննարկման և սակարկման առարկա չէ։
Արտաքին վտանգների, ինչպես նաև աշխարհաքաղաքական տարաբնույթ զարգացումների
համատեքստում Հայաստանի Հանրապետության ինքնիշխանության ամրապնդմանն
ուղղված քայլերը պետք է դառնան առաջնահերթություն։ Հզոր ու զարգացած
Հայաստանի Հանրապետությունը այլընտրանք չունի։
«Ապրելու Երկիր» կուսակցության քաղաքական խորհուրդ»։
