ՀԱԿ-ի պատվիրակությունը հանդիպել է ՀՀ-ում ԵՄ երկրների դեսպանների հետ

28-02-2015
258 դիտում
ՀԱԿ-ի պատվիրակությունը հանդիպել է ՀՀ-ում ԵՄ երկրների դեսպանների հետ

Փետրվարի 27-ին ԵՄ դեսպանատանը Հայ Ազգային Կոնգրեսի պատվիրակությունը` Լևոն Տեր-Պետրոսյանի գլխավորությամբ հանդիպել է Հայաստանում հավատարմագրված Եւրոմիության անդամ երկրների դեսպանների հետ` վերջիններիս նախաձեռնությամբ:

Հանդիպման ընթացքում քննարկվել են Հայաստանի ներքին և արտաքին քաղաքականությանն առնչվող բազմաթիվ հարցեր: Մասնավորապես, անդրադարձ է կատարվել ԵՏՄ անդամակցությունից հետո Հայաստանի քաղաքականության նոր իրողություններին, հայ-թուրքական հարաբերությունների և Լեռնային Ղարաբաղի հակամարտության կարգավորման հեռանկարներին, Հայոց ցեղասպանության 100-րդ տարելիցի հռչակագրին, Բարգավաճ Հայաստան կուսակցության նկատմամբ իրականացված քաղաքական հաշվեհարդարին, սահմանադրական փոփոխություններին, քաղաքական ընդդիմության հետագա անելիքներին և այլ հարցերի:

Դեսպանների խնդրանքով նախագահ Տեր-Պետրոսյանն հանդես է եկել կարճ ելույթով, որից հետո հանգամանորեն պատասխանել նրանց հարցերին:

Կոնգրեսի պատվիրակության կազմում հանդիպմանը մասնակցել են փոխնախագահներ Լևոն Զուրաբյանը և Արամ Մանուկյանը, վարչության անդամներ Ավետիս Ավագյանն ու Արման Մուսինյանը:

Այս մասին տեղեկացնում է ՀԱԿ մամլո հաղորդագրությունը:

© Medialab.am