Մարտի մեկի դեպքերը բացահայտվելու են, բայց ոչ պորվոկատորների միջոցով, այլ լուրջ մարդկանց միջոցով, այսօր խորհրդրանում հայտարարեց ՀՀԿ խմբակցության ղեկավար Գալուստ Սահակյանը: Նա հայտարարեց, որ լուրջ ուժը ըստ էության ՀՀԿ-ն է և ընդդիմադիր դաշտից շատ քաղաքական գործիչներ:
«Դուք պատկերացնում եք` մարդն ինչքան բացասական լիցքերով պետք է տոգորված լինի, որ գրավոր նախօրոք մի օր առաջ անպայման գրի, որ անպատվի: Սովորաբար Ազգային ժողովում կրքերը հասունանում են, երբ բանավոր ես խոսում: Իմիջիայլոց, ես բավական լավ եմ համարում պարոն Ջհանգիրյանի ելույթը և նախագիծը ներկայացնելը, որովհետև պրոֆեսիոնալ կարողություններով հասկանալի դարձրեց, թե ինչ է ուզում: Բայց քաղաքական որոշում կայացնողներից երբեք դա չզգացի: Ձեր ելույթներում հանձնաժողովի եզրակացության փաստաթուղթը ներկայացրեցիք, այսինքն` հանցագործը մենք ենք, և դուք պիտի գաք հանցագործների հետ նիստեր անեք, խնդիրներ լուծեք: Մի առիթով ասել եմ` մի վարկաբեկեք մեր երկրի առաջին նախագահին` Լևոն Տեր-Պետրոսյանին, գոնե մի քիչ նմանվեք: Էդ պրովոկացիոն ելույթները` մայդանական ոճով: Մի անգամ ոգևորվեցիք արաբական աշխարհի խառնաշփոթով, հիմա էլ ոգևորվել եք Մայդանով»- ասաց նա:
Գալուստ Սահակյանի խոսքով` մեր Մայդանը եղել է 88 թվականին և ավելի հզոր: Դա, ըստ նրա, ազգային կռիվ էր ամենամեծ կայսրության դեմ, մենք ստեղծել ենք պետություն, այդ պետությունը ղեկավարում են պետություն ստեղծողները:
«Ուկրաինացիները ամբողջապես վերացրեցին իրենց պետությունը, այսօր պետություն չէ դա, ամբողջ աշխարհը խառնվել է, որ ֆինանսավորի, պետություն դառնա: Իսկ մեր դառը վիճակում ոչ մեկը մեր ձեռքը չէր սեղմում, և մենք դարձանք պետություն: Ձեր հարցադրումները պոպոլուզիմ չեն, քաղաքական պրովոկացիաներ են: Իմիջիայլոց, ինչ իմացաք, որ մենք դեմ ենք լինելու և ձեր ելույթներում արդեն մեր դեմերի պատասխաններն էիք տալիս»,- ասաց նա:
Գալուստ Սահակյանը նշեց, որ այն ժողովուրդը, որը մարտի մեկին պետք է հավաքվի հրապարակում, դա նաև իրենց ժողովուրդն է: «Մի սեփականաշնորհեք, նույնիսկ կարող է մեզ չսիրեն, բայց մեր ժողովուրդն են, մենք ցավում ենք էդ ժողովրդի համար: Մենք ավելի շատ ենք ուզում բացահայտումները լինեն, բայց դուք բացահայտող չեք, ոչ էլ մենք»,- նշեց Սահակյանը: Կարդալ ավելին