Արագածոտնի մարզի յոթ գյուղերի բնակիչները դարձյալ բողոքում են Օհանավան և Կարբի գյուղերի մոտ՝ Ապարանի ջրամբարի վրա ՀԷԿ-ի կառուցման դեմ: Գյուղացիներն այս ամսվա մեջ արդեն երկրորդ անգամ այսօր փակել են Երևան-Ապարան մայրուղին՝ պահանջելով, որպեսզի իրենց հետ հանդիպեն վարչապետ Տիգրան Սարգսյանն ու փոխվարչապետ Արմեն Գևորգյանը: Գյուղացիները ճանապարհին քարեր են շարել և հայտարարել, որ միայն իրենց դիակների վրայով […]
Արագածոտնի մարզի յոթ գյուղերի բնակիչները դարձյալ բողոքում են Օհանավան և Կարբի գյուղերի մոտ՝ Ապարանի ջրամբարի վրա ՀԷԿ-ի կառուցման դեմ:
Գյուղացիներն այս ամսվա մեջ արդեն երկրորդ անգամ այսօր փակել են Երևան-Ապարան մայրուղին՝ պահանջելով, որպեսզի իրենց հետ հանդիպեն վարչապետ Տիգրան Սարգսյանն ու փոխվարչապետ Արմեն Գևորգյանը:
Գյուղացիները ճանապարհին քարեր են շարել և հայտարարել, որ միայն իրենց դիակների վրայով կառավարությունը կկարողանա ՀԷԿ կառուցել:
Նրանք ասել են, որ այսօր առավոտյան տեսել են, որ տարածքում դարձյալ շինտեխնիկա է աշխատում:
Գյուղացիներին հանդիպել են Արագածոտնի մարզպետ Սարգիս Սահակյանն ու փոխվարչապետ Արմեն Գևորգյանը:
Նա գյուղացիներին ասել է, որ ճանապարհը փակելով՝ հարցին լուծում չի տրվի: Փոխվարչապետի խոսքով՝ ստեղծվել է հանձնաժողով, որն ուսումնասիրություններ է կատարում: Նա խոստացել է ուսումնասիրությունների արդյունքների մասին գյուղացիներին տեղյակ պահել, իսկ մարտի 21-ին դարձյալ հանդիպել նրանց:
Գյուղացիներն ավելի ուշ բացել են ճանապարհը՝ սպառնալով, որ կրկին այն կփակեն, եթե ՀԷԿ-ի կառուցման մասին խոսք լինի:
Նրանք ասում են, որ եթե ջրամբարի ջուրն օգտագործվի ՀԷԿ-ի համար, իրենց այգիները ոռոգման ջուր չեն ունենա:
© Medialab.am
