Այսօր՝ վաղ առավոտյան, նորից մարտերը շարունակվել են։ Այդ մասին այսօր միասնական տեղեկատվական կենտրոնում հայտարարեց ՊՆ ներկայացուցիչ Արծրուն Հովհաննիսյանը։
Նրա ներկայացմամբ, հյուսիսային և հարավային ուղղություններով հակառակորդը փորձել է հարձակողական գործողություններ ծավալել, հյուսիսային ուղղությամբ հետ է շպրտվել մեկ-երկու գրոհներից հետո, իսկ հարավային ուղղությամբ տևական ժամանակ ծանր մարտերը շարունակվում էին, սակայն հիմնականում կողմերը դիրքային փոփոխություններ, զորաշարժեր գրեթե չեն ունեցել։
«Այս պահի դրությամբ մարտերի ուժգնությունը որոշակիորեն թուլացել է», -հավելեց Հովհաննիսյանը։
