Հայաստանում Լեհաստանի դեսպան Զդիսլավ Ռաչինսկին հիշեցրել է, որ հենց Անաստաս Միկոյանի ստորագրությամբ է տեղի ունեցել Կատինի ողբերգությունը, որտեղ գնդակահարվել է 22 հազար լեհ սպա: Նա նաեւ հիշեցրել է, որ Միկոյանը խորհրդային իշխանությանը խնդրում էր ավելացնել գնդակահարվող հայերի թիվը:
Անաստաս Միկոյանի արձանը տեղադրելու վերաբերյալ Երեւանի քաղաքապետարանի որոշման կապակցությամբ քննարկումներն աստիճանաբար բացահայտում են հայի չարագույժ ու հրեշավոր կերպարը, ով մասնակից է խորհրդային ժամանակաշրջանի բոլոր ծանր հանցագործություններին: Նորանոր մանրամասներ են ի հայտ գալիս, կապված ինչպես 30-ականների բռնությունների, այնպես էլ հայկական պետականությունը ոչնչացնելու հետ:
Ո՞ւմն է արձանը տեղադրելու նախաձեռնությունը: Կարելի է ենթադրել, որ Միկոյանի ժառանգներինը, ովքեր ցանկանում են, որ պատմական հայրենիքում պահպանվի նրա մասին հիշողությունը: Սակայն, եթե խնդիրը միայն հարազատները լինեին, Տարոն Մարգարյանը դժվար թե համառեր այսքան փաստեր հրապարակվելուց հետո: Հայաստանը բառացիորեն ցնցված է այդ որոշումից, եւ այն, որ Տարոնը պնդում է այդ որոշումը, նշանակում է, որ կան այլ «խթաններ»: Կարդալ ավելին