«Հրաշալի քառյակը» հրաշքների աշխարհում. Ռոբերտ Մելքոնյան

«Հրաշալի քառյակը» հրաշքների աշխարհում. Ռոբերտ Մելքոնյան
«Հրաշալի քառյակը» հրաշքների աշխարհում. Ռոբերտ Մելքոնյան
Հեղինակ MediaLab

Նախկին փոխոստիկանապետ Ռոբերտ Մելքոնյանը շարունակում է ակտիվություն պահպանել «Ֆեյսբուք» սոցիալական ցանցում: Այս անգամ նա անդրադարձել է չորս ոչ իշխանական ուժերի երեկվա հայտարարությանը:

Գրառումն ամբողջությամբ ներկայացնում ենք ստորեւ:

««Հրաշալի քառյակը» հրաշքների աշխարհում, ազգս փրկված է 12 կետերից բաղկացած պահանջագիր, ճանապարհային քարտեզ, պարտադրանք…Իրոք հրաշալի, իրոք «աստվածահաճո» քառյակ, նույնիսկ թիվն են ընտրել 12` հաշվի առնելով 12 առաքյալներին…Դե խորաթափանց են էլի, կշռադատված, ոչ մի բան չի վրիպում նրանց աչքից…

Չէ’, ես այսօր արթնացա վաղվա օրվա վրա վստահ, հույսով, հավատով, ակընկալիքներով: Գերգաղտնի կետերը, ծրագիրը հրապարակվեց, ազգս դու այլևս կարող ես ցնծալ և ուրախությունից թռվռալ «պրիգունների» աղոթքի մասնակիցների նման…

Հա’, բայց ոչինչ, որ այդ կետերը քաղաքացիական ակտիվիստների պահանջներն են, որ դրանց մեծ մասը հենց այդ նույն կառավարության ծրագրերում էլ կա, որոնց կատարմամբ բնականաբար զբաղվում են կառավարությունում:

Այս կետերը այնքան պարզունակ ու զռռացող են իրենց տակտիկական և հեռահար նպատակներով, որ հիշեցնում են Քաջ Նազարի հրովարտակը. «Թող այսօր էլ արեգակը ծագե արևելքից և մայրամուտ ունենա արևմուտքում: Մարդիկ ծնվեն և մեռնեն…»: Իրոք արեգա’կն արդարության, ծո’վ խելաց, կարողության բազուկ, բերան ճշմարտության…

Իրոք հանճարեղ է ձեր 12 կետերի նման…Ապրեք, ի՞նչ պետք է անեինք առանց ձեզ…»

© Medialab.am