Իսպանիայի Կոնգրեսն ընդունել է Լեռնային Ղարաբաղ հումանիտար օգնություն ուղարկելու և Ադրբեջանին զենքի վաճառքը դադարեցնելու՝ պատգամավոր Ջոն Ինյարիտուի առաջարկ-միջնորդությունը։ Այս մասին հայտնում է Իսպանիայում Հայաստանի դեսպանությունը:
Իսպանացի պատգամավորը, որը մինչ այդ եղել էր Արցախում, շեշտել է փախստական ընտանիքներին մարդասիրական օգնություն տրամադրելու հրատապությունը և միջազգային կազմակերպությունների ներգրավվածությունն այդ հարցում:
«Աշխարհը չի կարող շարունակել այլ կողմ նայել»,- նշել է պատգամավորը: