«Փաստինֆո»-Ռազմագերի Հակոբ Ինջիղուլյանը գտնվում է Ռումինիայում՝ համակենտրոնացման ճամբարում, իսկ ծնողները մի քանի օր շարունակ օրվա ընթացքում մի քանի անգամ զրուցում են իրենց որդու հետ:
Այդ մասին «Փաստինֆո»-ի թղթակցի հետ զրույցում նշեց Հակոբի եղբայրը՝ Հարություն Ինջիղուլյանը՝ հավելելով, որ Skype-ով զրուցում են եղբոր հետ, սակայն տեսախցիկի բացակայության պատճառով չեն կարողանում տեսնել նրան:
Հակոբի եղբայրը նշեց, որ իրենց համար այս պարագայում ամենակարևորն այն է, որ եղբոր հետ զրուցում են, ձայնը լսում և որ նա այլևս Ադրբեջանում չէ:
Ինչ վերաբերում է Հայաստան վերադառնալուն, ապա Հարությունը նշեց, որ Հակոբը ցանկություն ունի Հայաստան վերադառնալ, սակայն դեռևս իրենք հստակ չգիտեն, թե այն երկրի հետ, որտեղ վերջնականապես տեղափոխվելու է, ինչպիսի՞ պայմանավորվածություն ձեռք կբերվի:
«3-րդ երկիր տեղափոխվելը Հակոբի ցանկությունը չի եղել: Նա կամ պետք է տեղափոխվեր 3-րդ երկիր, կամ ողջ չմնար»,- հավելեց Հարությունը:
Հեղինակ: «Փաստինֆո»
