Ռուսաստանի պաշտպանության նախարարության Միջազգային հակաականային կենտրոնի մասնագետները շարունակում են ականազերծել ու պայթուցիկ իրերից ազատել Ղարաբաղի սոցիալական նշանակություն ունեցող օբյեկտները (դպրոցներ, զբոսայգիներ, բուժհաստատություններ ու սպորտային օբյեկտներ)։
Տեղեկությունը հայտնում է ՌԴ պաշտպանության նախարարությունը։ «Գործողությունների մեկնարկից ի վեր ռուս խաղաղապահների ինժեներային ստորաբաժանումներն ականազերծել են ավելի քան 414 հեկտար տարածք, գրեթե 160 կմ ճանապարհ, 617 շինություն, դրանցից 22 –ը՝ սոցիալական նշանակության օբյեկտ։ Հայտնաբերվել ու վնասազերծվել է 19 հազար պայթունավտանգ առարկա»,-նշվում է հաղորդագրության մեջ։
© factor.am
