«Տեղեկատվության ստուգման կենտրոնը» տեղեկացնում է․
Լրատվականներից մեկը գրել էր այն մասին, որ Հայաստանի և Արցախի մի շարք զորամասերից ահազանգեր են ստացվել, թե ծառայությունն ավարտած ժամկետային զինծառայողների զորացրում չի իրականացվում։
ՀՀ ՊՆ-ից հայտնում են, որ լուրը չի համապատասխանում իրականությանը․ Զորահավաքն ու զորացրումը սահմանված ժամկետներում և սահմանված կարգով իրականացվելու են:
Այսօր հերքվել է նաև տելեգրամյան ալիքներից մեկի տարածած այն լուրը, թե պայմանագրային զինծառայողները աշխատանքային պայմանագրերի դադարեցման ծանուցագրեր են ստացել։ ՀՀ զինված ուժերի գլխավոր շտաբը հայտնում է, որ տարածվող լուրը կեղծ է։
