Լրագրողական մրցույթ մարդու իրավունքների ոլորտում ՄԱԿ-ի գործունեության լավագույն լուսաբանման համար

ՄԱԿ-ի մրցույթին լրագրողական նյութերի հանձնման կարգը

2014 թ. նոյեմբերի 1-ից մինչև դեկտեմբերի 1-ը ՄԱԿ-ի գրասենյակն ընդունելու է Հայաստանում գործող տպագիր, հեռարձակվող կամ առցանց լրատվամիջոցների անհատ լրագրողների (ՀՀ քաղաքացի հանդիսացող) լրագրողական նյութեր վերոնշյալ՝ մարդու իրավունքների ոլորտին առնչվող թեմաների շուրջ։

Լրագրողական նյութերը կարող են լինել բոլոր ձևաչափերով, այդ թվում՝ տպագիր, ռադիո, հեռուստատեսային, առցանց, մուլտիմեդիա և ֆոտոպատմություն: Դրանք պետք է պատրաստված և հրատարակված, հեռարձակված կամ համացանցում տեղակայված լինեն 2014 թ. ընթացքում:  Մրցույթին մասնակցելու համար լրագրողները պետք է ներկայացնեն տպագիր մամուլում տպագրված հոդվածի կրկնօրինակը, հեռարձակված տեսանյութի խտասկավառակը՝ հեռուստաալիքի պաշտոնական տարբերանշանով, էլեկտրոնային մամուլի դեպքում՝ ինտերնետային կայքի հասցեն (URL) կամ էկրանի ճեպապատկերը (screenshot):

Յուրաքանչյուր  լրագրող կարող է ներկայացնել մեկից ավելի լրագրողական նյութ: Հանձնված նյութերի հեղինակային իրավունքները պատկանում են հեղինակներին: Նյութերը կարող են լինել հայերեն, ռուսերեն և անգլերեն:

Նյութերը կարող են ուղարկվել էլեկտրոնային տարբերակով [email protected] հասցեին («2014 թ. ՄԱԿ-ի  լրագրողական մրցույթ» վերնագրով), սովորական փոստով` ՄԱԿ-ի Հանրային տեղեկատվության վարչություն՝ «ՄԱԿ-ի 2014 թ. լրագրողական մրցույթ» նշումով (հասցեն՝ ՀՀ, Երևան 0010, Պետրոս Ադամյան 14, ՄԱԿ-ի գրասենյակ), կամ ներկայացվել վերը նշված հասցեով` ՄԱԿ-ի Հանրային տեղեկատվության վարչություն:Նյութերի հետ խնդրում ենք ներկայացնել կից գրանցաթերթիկը՝ լրացված:

Խնդրում ենք ապահովել լուսանկարների թվային բարձր խտություն (նվազագույնը՝ 300 dpi), իսկ տեսանյութերը ներկայացնել լայն տարածում ունեցող ձևաչափերից մեկով (avi, mp4, mpg, wmv):
ՄԱԿ-ի լրագրողական մրցույթի վերաբերյալ հարցերը կարող եք ուղղել [email protected]  հասցեով կամ զանգահարել 560212:

Մրցանակաբաշխություն