Առաջին անգամ Հայաստանում դասախոսություններով հանդես կգա Ջիմ Սքրիվիները

Առաջին անգամ Հայաստանում դասախոսություններով հանդես կգա Ջիմ Սքրիվիները
Առաջին անգամ Հայաստանում դասախոսություններով հանդես կգա Ջիմ Սքրիվիները
Հեղինակ MediaLab

Անգլերեն լեզվի ուսուցման բնագավառում իր գործունեությամբ և հեղինակած գրքերով հայտնի Ջիմ Սքրիվեները Բրիտանական խորհրդի հրավերով Հայաստան կժամանի փետրվարի 13-ից 15-ը և կանցկացնի բաց դասախոսություններ անգլերենի ուսուցիչների, դասախոսների, մասնագետների, ուսանողների և անգլերենի դասավանդմամբ հետաքրքրվողների համար: Երեք օրվա ընթացքում նա հանդես կգա չորս դասախոսությամբ` ներկայացնելով ուսուցիչներին անհրաժեշտ այն բոլոր գիտելիքներն ու հմտությունները, որոնց շնորհիվ անգլերենի ուսուցումը կհամապատասխանի […]

Անգլերեն լեզվի ուսուցման բնագավառում իր գործունեությամբ և հեղինակած գրքերով հայտնի Ջիմ Սքրիվեները Բրիտանական խորհրդի հրավերով Հայաստան կժամանի փետրվարի 13-ից 15-ը և կանցկացնի բաց դասախոսություններ անգլերենի ուսուցիչների, դասախոսների, մասնագետների, ուսանողների և անգլերենի դասավանդմամբ հետաքրքրվողների համար:

Երեք օրվա ընթացքում նա հանդես կգա չորս դասախոսությամբ` ներկայացնելով ուսուցիչներին անհրաժեշտ այն բոլոր գիտելիքներն ու հմտությունները, որոնց շնորհիվ անգլերենի ուսուցումը կհամապատասխանի ժամանակակից պահանջներին և մեթոդներին: Դասախոսություններն անվճար են նախնական գրանցմամբ (www.britishcouncil.am): Դասախոսությունները տեղի կունենան Հայաստանում Ամերիկյան համալսարանում և Անի Պլազա հյուրանոցում:

Ջիմ Սքրիվեները Միացյալ Թագավորությունում հայտնի գրող է, խորհրդատու և դասընթացավար: Նա համագործակցում է Bell Teacher Campus-ի հետ, որը Քեմբրիջի համալսարանի մաս է: Ջիմ Սքրիվեները հայտնի է անգլերենի ուսուցման վերաբերյալ իր գրքերով, ինչպիսիք են  «Learning Teaching»,  «Teaching English Grammar»և «Classroom Management Techniques»:  Նրա գրքերը երկու անգամ արժանացել են Duke of Edinburgh English Speaking Union-ի մրցանակներին: Նա երեք անգամ ներկայացվել է Բրիտանական խորհրդի ELTON ուսուցման ոլորտում նորարարության համար տրվող մրցանակին: Նրա վերջին գիրքը ուսանողների համար է և կոչվում է «Visual Grammar 1 and 2»:

«Ջիմ Սքրիվիները անգլերենի ուսուցման ոլորտի լավագույն մասնագետներից է: Նրա հեղինակած գրքերը հիմք են ծառայում անգլերենի դասավանդման համար ողջ աշխարհում: Մենք անչափ ուրախ ենք, որ հայ ուսուցիչները հնարավորություն կունենան լսելու նրա դասախոսությունները և ծանոթանալու նրա հետ»,-ասաց Բրիտանական խորհրդի հայաստանյան մասնաճյուղի տնօրեն Արևիկ Սարիբեկյանը:

Բրիտանական խորհուրդն անգլերենի ուսուցման ոլորտում ունի ավելի քան 70 տարվա փորձառություն: Հայաստանում Բրիտանական խորհուրդն անգլերենի դասընթացներ է անցկացնում ընկերությունների, կրթական հաստատությունների և պետական կազմակերպությունների համար: 56 երկրում գործող 128 ուսումնական կենտրոնների շնորհիվ Բրիտանական խորհուրդը հայտնի է անգլերեն լեզվի ուսուցման իր նյութերով, փորձով ու վարկանիշով: