Երևանի կենդանաբանական այգուց տեղեկացնում են․
Երևանի կենդանաբանական այգու սիրելի այցելուներ
Մեր տնօրինությունը մշտապես կարևորել է նոր նախաձեռնությունների իրականացումը Կենդանաբանական այգում ժամանակի հրամայականներին համապատասխան միջավայրի ձևավորման տեսանկյունից։Կենդանաբանական այգու այցելուն այգում պետք է անցկացնի հարմարավետ ու հաճելի ժամանց։ Սա է մեր աշխատանքի առաջնահերթությունը։
Մենք մշտապես հետևողական ենք եղել կյանքի կոչել մեր այցելուների առաջարկները, որոնք միտված են եղել Կենդանաբանական այգու գործունեությունը բարելլավելուն։Ուրախությամբ հայտնում ենք, որ այսուհետ կենդանաբանական այգում այցելուները հնարավորություն կունենան տեսնել բոլորի կողմից շատ սիրված Բունկա փղին իր երկրորդ «տանը»։
Ցուցասրահի նախասրահում առանձնացված է անկյուն, որտեղ լուսանկարների և պատմությունների տեսքով ներկայացված կլինեն այգու հիմնադրման օրվանից Կենդանաբանական այգում բնակություն հաստատած փղերը։ Ցուցասրահի պաշտոնական բացումը տեղի կունենա ս.թ. փետրվարի 12-ին, ժամը՝ 15։00-ին։ Բոլորիդ սիրով սպասում ենք։
