Կիպրոսը երկրների համար գունավոր կոդավորում Է սահմանել՝ ըստ նրանցում COVID-19-ի տարածման արագության

Կիպրոսը մարտի 1-ից պլանավորում Է իր օդանավակայանները բացել արտասահմանից ժամանողների համար եւ երկրների համար գունավոր կոդավորում Է սահմանում՝ կախված նրանցում COVID-19-ի տարածման տեմպերից, տեղեկացնում Է «Արմենպրես»-ը:

Կիպրոսն այսպես կոչված լուսացույցների համակարգ կսահմանի ԵՄ-ի անդամ պետությունների եւ այնպիսի երրորդ երկրների համար, ինչպիսիք են Մեծ Բրիտանիան, Ռուսաստանը եւ Իսրայելը:

Ինչպես հաղորդել են տեղական իշխանությունները, մարտի 1-ից մինչեւ 31-ը «կանաչ» երկրներից բոլոր ժամանողները պետք Է COVID-19-ի անվճար ՊՇՌ-թեստ հանձնեն ժամանելուց հետո, իսկ ապրիլի 1-ից այդ պահանջը կչեղարկվի:

«Այն անձինք, ովքներ ժամանել են «դեղին» երկրներից, պետք Է ՊՇՌ-թեստ հանձնեն ուղեւորվելուց առաջ 72 ժամվա ընթացքում: Իսկ ովքեր ժամանում են «կարմիր» մակարդակի երկրներից, անհրաժեշտ Է ՊՇՌ-թեստ հանձնել երկու անգամ՝ նախքան ուղեւորվելը եւ կղզի ժամանելուց հետո:

Կիպրոսի տրանսպորտի նախարարությունը նաեւ հայտարարել Է, որ մինչեւ մարտի 31-ը երկարացնում Է պարտադիր յոթօրյա կարանտինը Միացյալ Թագավորությունից ժամանողների համար:

Հաղորդվում Է, որ երկրների նշումները կվերանայվեն ամեն շաբաթ, հաղորդել Է «Ինտերֆաքս»-ը: