«Ազատ քաղաքացի» ՀԿ նախագահ Հովսեփ Խուրշուդյանը ֆեյսբուքյան իր էջում գրել է.
«Իրանցիներին պատվաստելը սուբսիդավորելով՝ պետությունը իրականում դրա տասնապատիկի չափով (ու դա նվազագույնն եմ ասում) սուբսիդավորում է մեր զբոսաշրջային ոլորտը սպասարկող հսատատություններին՝ հյուրանոցներից, ռուստորաններից մինչեւ տրանսպորտ:
Սա կոչվում է առողջապահական տուրիզմ: Անգամ նրանց՝ Երեւանում 2-3 օր մնալու դեպքում ասածս ճիշտ է:
Դեռ կարելի է հասկանալ այն, որ պոլիկլինիկաները այլեւս նրանց չեն սպասարկի՝ որպեսզի հերթեր չգոյանան մեր քաղաքացիներին սպասարկելու հարցում: Սակայն պատվաստվելու համար Հայաստանում կացության 10-օրյա ցենզ մտցնելը շատերին կստիպի հրաժարվել Հայաստան գալու մտքից: Սա սխալ ու անհեռատես որոշում է: Մարդիկ որ 10 ժամ ծախսում են Երեւան հասնելու համար՝ հաստատ նույն օրը ետ չեն վերադառնում, 2-3 օր մնում են՝ հաճելին օգտակարի հետ համատեղելու համար:
ՀՀ կառավարություն, հորդորում եմ հանել այդ 10-օրյա ցենզի գաղափարը: Պետք չէ վանել հարեւաններին: Հայաստանի համար այս շահավետ մոտեցումը նաեւ որպես բարեսիրություն է ընկալվում Իրանում եւ մեծացնում մեր երկրի վարկը մեզ համար այդքան կարեւոր ակդ երկրի բնակչության շրջանում: 10-ին պատվաստում ենք, բայց հազարներն են դրա մասին իմանում, որոնց մեծ մասը, ամեն դեպքում, երբեւէ Հայաստան չեն էլ գալու, բայց տպավորությունը մնալու է»։